ᓱᓇᒋᓐᓈ ᐱᔪᓐᓇᖁᖓ ?
ᐱᔪᓐᓇᖁᖓ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᓂᒃ ᑐᕌᒐᖃᕐᓱᓂ ᓄᒃᑭᓭᓂᕐᒥᒃ ᐃᓄᓐᓂᒃ ᐅᕕᒐᕐᑐᓂᒃ ᓄᓇᕕᒻᒥᐅᓂᒃ ᐱᕙᓪᓕᐊᑎᑦᓯᓂᒃᑯᑦ ᐱᒍᓐᓇᓂᖏᓐᓂᒃ ᐱᓇᓱᑦᑎᓯᓂᒃᑯᑦ. ᐱᓇᓱᐊᕐᑎᓯᓂᖅ ᐃᓗᓕᑕᖃᖅᑯᖅ ᐊᐱᕆᐅᔭᕐᓂᒥᒃ, ᐱᒐᓱᐊᒻᒪᕆᑎᑦᓯᓂᒃᑯᑦ ᐱᒋᐅᕐᓭᓂᒃᑯᑦ, ᐃᓚᐅᑎᓪᓗᒋᒃ ᒪᕐᕉᒃ ᐊᑭᓕᕐᑐᑕᐅᓂᒃᑯᑦ ᐱᓇᓱᑦᑎᓯᑫᓐᓇᓂᒃᑯᑦ ᓄᓇᕕᐅᑉ ᑎᒥᐅᔪᖁᑎᖏᓐᓂᒃ ᓴᐳᒻᒥᓯᐊᕐᓂᑯᑦ.
ᐱᔪᓐᓇᖁᖓ ᐱᑦᔪᑎᖃᕐᕐᑯᖅ ᑐᓂᓯᓂᕐᒥᒃ ᐱᓇᓱᑦᑎᓯᑫᓐᓇᓂᕐᓂᒃ ᐱᕕᑦᓴᖃᕐᑎᓯᓂᕐᒥᒃ ᐃᓂᐅᔪᓂᒃ ᓄᓇᕕᐅᑉ ᓄᓇᓕᓕᒫᑎᒍᑦ ᑎᒥᐅᔪᖁᑎᖏᓐᓂᒃ ᑐᕌᒐᕆᔭᖃᕐᓱᓂ ᐱᕙᓪᓕᐊᑎᑦᓯᓂᕐᒥᒃ ᑭᖑᕚᑦᓴᐅᔪᓂᒃ ᓄᓇᕕᒻᒥᒃ ᓯᕗᓕᓛᕐᓂᐊᑐᓂᒃ.
ᓱᒐᒦ ᐱᔪᓐᓇᖁᖓ ?
ᖃᐅᔨᒪᔭᖏᑎᒍᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), 49%-ᕆᔭᖏᑦ ᐊᑌᓐᓇᑐᒥᒃ ᐱᓇᓱᒉᑦ ᓄᓇᕕᒻᒥᒃ ᑎᒍᒥᐊᕐᑕᕕᓂᐅᕗᑦ ᐃᓚᐅᔫᖕᖏᑐᓄᑦ 2011-ᖑᑎᓪᓗᒍ. ᐃᓘᓐᓇᑲᓴᖏᑦ ᓄᓇᕕᐅᑉ ᓄᓇᓕᖏᓐᓂᒃ ᐱᓇᓱᑦᑎᓯᔩᑦ ᐃᓱᒫᓗᒋᔭᓕᐹᓘᕗᑦ ᐱᓇᓱᒐᕐᑖᑎᒐᓱᐊᕐᑕᒥᑦᑕ ᐸᕐᓇᓯᒪᐅᑎᖓᓂᒃ ᐊᒻᒪᓗ ᑌᒪᖕᖓᓕᒫᖅ ᐅᓄᕐᓯᒋᐊᕆᒐᓱᖏᓐᓇᓲᖑᑦᓱᑎᑦ ᓄᓇᕕᒻᒥᐅᓂᒃ ᐱᓇᓱᑦᑎᑖᕐᑎᓯᒐᓱᐊᕐᓂᒥᒃ ᑎᒥᐅᔪᖁᑎᒥᓂᒃ.
ᐱᔪᓐᓇᖁᖓ ᐱᒋᐊᕐᑎᑕᐅᕕᓂᐅᔪᖅ ᐊᒻᒪᓗ ᐱᕙᓪᓕᐊᑎᑕᐅᑦᓱᓂ ᑲᔪᓯᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᓂᕐᒧᑦ ᐱᒍᑦᔨᕕᖓᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᑕᒪᒃᑯᓂᖓ ᐱᒐᓱᐊᕐᑕᐅᔪᓄᑦ ᐱᓚᕿᒍᑎᐅᑦᓱᓂ.
ᑐᕌᒐᖓ
ᐱᔪᓐᓇᖁᖓ ᑐᓂᓯᒍᓐᓇᑐᖅ ᐊᑦᔨᐅᖏᑦᑐᒥᒃ ᐱᓇᓱᒐᕆᒍᒪᒐᔭᕐᑕᒥᓂᒃ ᐱᔭᕆᐅᕐᓴᓂᕐᒥᒃ ᓄᒃᑭᓕᐅᒥᑎᑦᓯᓂᒃᑯᑦ ᐅᕕᒐᕐᑐᓂᒃ ᐃᓄᓐᓂᒃ ᓄᓇᕕᒻᒥᐅᓂᒃ ᐱᓚᖀᒐᓱᐊᕐᑎᓯᓂᒃᑯᑦ ᐱᒍᓐᓇᓯᐊᕐᑐᐃᑦ ᐱᓇᓱᒐᖏᓐᓂᒃ ᓄᓇᕕᐅᑉ ᑎᒥᐅᔪᖁᑎᖏᓐᓂᒃ.
ᑕᑯᓐᓇᑕᐅᔪᖅ
ᐱᔪᓐᓇᖁᖓ ᑐᕌᒐᕆᔭᖃᕐᕐᑯᖅ ᐅᓄᕐᓯᒋᐊᕆᓂᕐᒥᒃ ᐱᓇᓱᑦᑎᓂᒃ ᐅᕕᒃᑲᓂᒃ ᐃᓄᓐᓂᒃ ᑎᒍᓯᒍᓐᓇᖁᓪᓗᒋᑦ ᐃᓂᐅᔪᓂᒃ ᓄᓇᕕᐅᑉ ᑎᒥᐅᔪᖁᑎᖏᓐᓂᒃ ᐱᓇᓱᒐᕆᒍᒪᒐᔭᕐᑕᒥᓂᒃ ᐱᔭᕆᐅᕐᓴᓂᕐᒥᑦ.
ᐱᒻᒪᕆᐅᑎᑕᐅᔪᑦ
ᐱᔪᓐᓇᖁᖓ ᑲᑐᑦᔨᖃᑎᒌᕈᑕᐅᔪᖅ ᓯᑕᒪᓂᒃ ᐱᒻᒪᕆᐅᑎᑦᓯᖃᕈᑕᐅᑦᓱᓂ: ᓲᓱᑦᓴᓂᖅ, ᐱᔭᖃᕋᓱᐃᓐᓇᓂᖅ, ᓯᕗᓕᕐᓂᖅ ᐊᒻᒪᓗ ᐃᒻᒥᓂᒃ ᐱᕙᓪᓕᐊᓂᖅ.
ᐃᓕᓐᓂᐊᓂᖅ ᓯᕗᓪᓕᐸᐅᑦᔭᐅᔪᖅ
ᐱᔪᓐᓇᖁᖓ ᐱᓇᓱᐊᕐᑎᓯᒍᑎᐅᔫᒐᓗᐊᖅ ᑐᓂᓯᓲᖑᑦᓱᓂ ᐱᓇᓱᒐᕆᒍᒪᒐᔭᕐᑕᒥᓂᒃ ᐱᔭᕆᐅᕐᓴᓂᕐᒥᒃ ᓄᓇᕕᐅᑉ ᑎᒥᐅᔪᖁᑎᖏᓐᓂᒃ, ᐊᖏᓂᕐᓴᒥᒃ ᑐᕌᒐᕆᔭᖃᕐᕐᑯᖅ ᐃᓄᓐᓂᒃ ᐅᕕᒃᑲᓂᒃ ᓄᒃᑭᓕᐅᒥᑎᑦᓯᒐᓱᐊᕐᓂᒥᒃ ᐊᒻᒪᓗ ᐱᐅᓯᓕᐅᒥᑎᑦᓯᓂᕐᒥᒃ ᐱᓇᓱᒐᑦᓴᒧᑦ ᑐᕌᕐᑎᓯᓂᕐᒥᒃ. ᐅᑉᐱᕆᔭᖃᓪᓚᕆᑦᑐᒍᑦ ᐃᓕᓐᓂᐊᓂᖅ ᓯᕗᓪᓕᐸᐅᖏᓐᓇᕆᐊᖓᓂᒃ ᐱᔭᐅᔪᕐᑕᖃᓚᖓᑉᐸᑦ ᑐᕌᒐᕆᔭᐅᔪᒥᒃ. ᑖᒪᓐᓇ ᐱᑦᔪᑎᒋᑦᓱᒍ, ᑎᒃᑯᐊᑕᐅᑎᒐᓱᐊᕐᑐᖅ ᑐᑭᑖᕐᓯᒪᔪᕕᓂᐅᑉᐸᑦ ᐃᓕᓐᓂᐊᕕᒻᒥᒃ ᕿᒣᓂᕐᒥᒃ, ᕿᒣᓯᒪᔪᕕᓂᐅᒋᐊᓕᒃ ᑕᕐᕐᑭᓂᖅ ᐱᖓᓲᔪᕐᑐᓂᒃ ᐱᕕᑦᓴᖃᕐᑎᑕᐅᓚᖓᑐᐊᕈᓂ ᐱᔪᓐᓇᖁᖔᒥᒃ. ᑕᒪᓐᓇᐅᑎᓪᓗᒍ, ᑐᓂᓯᓂᖃᓚᖓᒻᒥᔪᒍᑦ ᓴᐳᑦᔨᓂᕐᒥᒃ ᐃᓚᐅᔪᓕᒫᓂᒃ ᖃᖓᑐᐃᓐᓇᑯᑦ ᐱᓇᓱᐊᕐᑎᓯᒍᑎᐅᔪᒥᒃ ᓄᐃᑕᑎᑦᓯᓯᐊᕐᑐᓂᒃ ᐃᓕᓐᓂᐊᕈᒪᓂᕐᒥᓂᒃ. ᐃᓱᒪᒋᔭᖃᓚᖓᔪᒍᑦ ᓇᓪᓕᑐᐃᓐᓇᖏᓐᓂᒃ ᐃᓚᐅᔪᓂᒃ ᐃᓕᓐᓂᐊᕕᒻᒧᑦ ᐅᑎᕐᑐᓂᒃ ᐱᑦᓯᐊᑐᕕᓂᐅᑎᓪᓗᒍ ᐱᓇᓱᐊᕐᑎᓯᒍᑎᒋᔭᑦᑎᓂᒃ.
ᐱᔪᓐᓇᖁᖓ ᐱᓇᓱᖃᑎᒌᖏᑦ
ᐱᔪᓐᓇᖁᖓ ᐱᓇᓱᖃᑎᒌᖏᑦ
ᐃᓴᐱᐊᓪ ᐱᑳ
ᐱᓇᓱᐊᕐᑕᐅᔪᒥᒃ ᐊᐅᓚᑦᓯᔨᑐᓴᕐᑎᓯᖃᑦᑕᓱᓂ ᐊᐅᓚᑦᓯᓂᕐᒥᒃ ᑲᑎᒪᔨᓂᒃ, ᐱᓇᓱᐊᕐᑕᐅᔪᒥᒃ ᐊᐅᓚᑦᓯᔨ ᑲᒪᒋᔭᖃᓲᖅ ᑐᑭᒧᐊᕐᑎᓯᓂᕐᒥᒃ ᓱᖃᑦᓯᓂᐅᔪᓂᒃ ᐊᒻᒪᓗ ᑲᔪᓯᑎᑦᓯᓯᐊᕐᓱᓂ ᐊᐅᓚᓂᖓᓂᒃ ᐱᔪᓐᓇᖁᖔᒥᒃ.
ᖃᐅᔨᒋᐊᕆᑦ
Vanita Charbonneau
ᐱᓇᓱᒐᕐᑖᑎᑦᓯᒐᓱᐊᕐᓂᒥᒃ ᑐᑭᒧᐊᕐᑎᓯᔨᑐᓴᕐᑎᓯᖃᑦᑕᓲᖅ ᐱᓇᓱᐊᕐᑕᐅᔪᒥᒃ ᐊᐅᓚᑦᓯᔨᒥᒃ, ᐱᓇᓱᒐᕐᑖᑎᑦᓯᒐᓱᐊᕐᓂᒥᒃ ᑐᑭᒧᐊᕐᑎᓯᔨ ᑲᒪᒋᔭᖃᓲᖅ ᓇᓗᓀᕐᓯᓂᕐᒥᒃ, ᑎᒃᑯᐊᓯᓂᕐᒥᒃ ᐊᒻᒪᓗ ᐱᒋᐅᕐᓭᓂᕐᒥᒃ ᑎᒃᑯᐊᑕᐅᑎᒐᓱᐊᕐᑐᓂᒃ ᐱᒍᓐᓇᓂᕐᒥᓂᒃ ᓄᐃᑕᑎᑦᓯᓯᐊᕐᑐᓂᒃ ᐱᔪᓐᓇᖁᖔᒃᑯᑦ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᓂᒃ.
ᖃᐅᔨᒋᐊᕆᑦ
Guillaume Pageau-Lefebvre
ᐱᓇᓱᒐᕆᒍᒪᒐᔭᕐᑕᐅᔪᓂᒃ ᐱᔭᕆᐅᕐᓴᑐᓂᒃ ᑐᑭᒧᐊᕐᑎᓯᔨᑐᓴᕐᑎᓯᖃᑦᑕᓲᖅ ᐱᓇᓱᐊᕐᑕᐅᔪᒥᒃ ᐊᐅᓚᑦᓯᔨᒥᒃ, ᐱᓇᓱᒐᕆᒍᒪᒐᔭᕐᑕᐅᔪᓂᒃ
ᐱᔭᕆᐅᕐᓴᑐᓂᒃ ᑐᑭᒧᐊᕐᑎᓯᔨ ᑲᒪᒋᔭᖃᓲᖅ ᑲᔪᓯᑎᑦᓯᓯᐊᕐᓂᒥᒃ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᓂᒃ ᐊᒻᒪᓗ ᑐᓂᓯᑦᓱᓂ ᑲᔪᓯᑦᓯᐊᑐᒥᒃ ᓴᐳᑦᔨᓂᕐᒥᒃ ᐱᔪᓐᓇᖁᖔᒃᑯᑦ ᐱᓇᓱᒐᕆᒍᒪᒐᔭᕐᑕᐅᔪᓂᒃ ᐱᔭᕆᐅᕐᓴᑐᓂᒃ ᐊᒻᒪᓗ ᐃᑲᔪᕐᑎᖏᓐᓂᒃ.
VACANT
ᓄᓇᓕᓐᓂᒃ ᑐᓴᐅᒪᖃᑎᒌᑦᑎᓯᔨᓄᓇᓕᒻᒥᒃ ᑐᓴᐅᒪᖃᑎᒌᑦᑎᓯᔨ ᑲᔪᓯᒃᑫᔨᐅᑦᓱᓂ ᑲᒪᒋᔭᑦᓴᓕᒃ ᐃᓄᑦᑎᑑᕐᑐᓂᒃ ᐊᐱᕆᐅᑎᓕᓐᓂᒃ ᑭᐅᔨᓱᖅ, ᖁᓚᕐᓇᕈᓐᓀᑎᑦᓯᓲᒃ ᐱᓇᓱᐊᒐᑦᓴᐅᑉ ᐃᓕᕐᕈᓯᒨᖓᔪᒃ ᑲᓱᕐᑎᓯᒐᓱᐊᕐᓂᖅ ᑲᒪᓲᖕᖑᒥᓱᓂ ᐱᑐᑦᓯᒪᒍᑎᓐᓂ ᐃᒻᒥᓅᕈᑎᔪᒃ ᓄᓇᓕᒻᒥ ᐊᐃᑉᐸᕆᔭᕗᓐᓂ, ᓘᒃᑖᓐᖑᕆᐅᕐᓴᔪᓂ ᐱᓇᓱᐊᕐᓂᒥᒃ ᐃᑲᔪᕐᑎᖏᓪᓗ.
ᖃᐅᔨᒋᐊᕆᑦᐊᐅᓚᑦᓯᓂᕐᒥᒃ ᑲᑎᒪᔩᑦ
ᐊᐅᓚᑦᓯᓂᕐᒥᒃ ᑲᑎᒪᔩᑦ ᐃᑉᐱᒋᔭᖃᓲᑦ ᑲᔪᓯᑉᐸᓕᐊᓂᖓᓂᒃ ᐱᔪᓐᓇᖁᖓ ᐱᓇᓱᑦᑎᓯᑫᓐᓇᓂᕐᒥᒃ ᐱᓇᓱᐊᕐᑕᐅᓂᖓᓂᒃ. ᐃᓚᐅᔪᖁᑎᖏᑦ ᐊᐅᓚᑦᓯᓂᕐᒥᒃ ᑲᑎᒪᔩᑦ ᐃᑉᐱᒋᔭᖃᓲᑦ ᐱᔪᓐᓇᖁᖓ ᐱᓇᓱᐊᖃᑎᒌᑦᑐᑦ ᓱᖃᑦᓯᒍᑎᖏᓐᓂᒃ, ᐃᑉᐱᒋᔭᖃᕐᓂᑯᑦ ᑐᑭᒧᐊᑦᓯᐊᓕᕋᓗᐊᕐᒪᖔᑕ ᐱᓇᓱᐊᕐᑕᐅᔪᐃᑦ.
ᐃᓚᐅᔪᑦ ᐊᐅᓚᑦᓯᓂᕐᒥᒃ ᑲᑎᒪᔩᑦ ᐅᑯᐊᖑᔪᑦ:
ᕆᓵ ᑎᕈᓯᐊᐃ – ᑲᑎᕕᒃ ᓄᓇᓕᓕᒫᑦ ᑲᕙᒪᖓ: ᐱᓇᓱᐊᕐᑕᐅᔪᓕᓂᕐᒧᑦ ᐱᔨᑦᓯᑎ, ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᕐᓂᕐᒧᑦ ᐱᓇᓱᐊᕐᕕᒃ
ᐱᐊᕆ ᐆᓕᐊᑦ – ᑲᑎᕕᒃ ᓄᓇᓕᓕᒫᑦ ᑲᕙᒪᖓ; ᑲᒪᔨᒻᒪᕆᐅᑉ ᐃᑲᔪᕐᑎᖓ, ᐱᓇᓱᐊᕐᑕᐅᔪᑦ, ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᕐᓂᕐᒧᑦ ᐱᓇᓱᐊᕐᕕᒃ
ᕕᑦᑐᔨᐊ ᑯᐊᑕ – ᑲᑎᕕᒃ ᓄᓇᓕᓕᒫᑦ ᑲᕙᒪᖓ; ᐱᓂᐊᕐᓂᑕᓕᕆᓂᕐᒧᑦ ᑲᒪᔨ, ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᕐᓂᕐᒧᑦ ᐱᓇᓱᐊᕐᕕᒃ
ᓴᐲᓐ ᔮᔨ – ᑲᑎᕕᒃ ᓄᓇᓕᓕᒫᑦ ᑲᕙᒪᖓ; ᐱᓇᓱᒐᕐᓂᒃ ᐱᒍᑦᔨᕕᒻᒥ ᖃᓄᐃᓘᒋᐊᖁᔨᔨ, ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᕐᓂᕐᒧᑦ ᐱᓇᓱᐊᕐᕕᒃ
ᓯᐊᕈᓕᓐ ᑖᒣ – PS ᔪᓂᐊᔅ; ᑲᔪᓯᒃᑫᔨ
ᓗᐃᒃ ᓕᐊᓂᐊᓐ – PS ᔪᓂᐊᔅ; ᐱᓇᓱᐊᕐᑕᐅᔪᓂᒃ ᑲᒪᔨᒻᒪᕆᒃ/ᐱᓇᓱᒐᑦᓴᓂᒃ ᐃᓱᐊᕐᓭᔨ
ᓇᑯᕐᒦᓗᐊᖕᖑᐊᒥᔭᒃᑲ ᐄᒪᓕ ᓴᐸᒥᒃ ᐊᒻᒪᓗ ᓇᑖᓴ ᒥᒃᑖᓄᑦᒥᒃ ᐃᓚᐅᓂᖏᓐᓄᑦ ᐱᕙᓪᓕᐊᔭᐅᓂᖓᓂᒃ ᐱᔪᓐᓇᖁᖓ ᐱᓇᓱᐊᕐᑕᐅᓂᖓᓂᒃ ᐊᒻᒪᓗ ᓇᑯᕐᒦᓱᒋᑦ ᐃᓕᓐᓂᐊᑎᕗᑦ ᐃᓚᐅᓯᔪᕕᓃᑦ ᐱᓇᓱᐊᖃᑎᒌᑦᑐᓄᑦ ᐅᐱᖔᖑᓚᖓᔪᒥᒃ: ᐋᑐᕆᐊ ᐳᕌᓲ, ᐊᑭᓇᓯ ᐹᑦᑐᔨ: ᓵᓚᑎ ᓯᓅᐸ ᐊᒻᒪᓗ ᐱᓕᐳᓯ ᑐᓗᒐᖅ.
ᐃᑲᔪᕐᑎᕗᑦ
ᐱᔪᓐᓇᖁᖓ ᐱᓇᓱᐊᒐᑦᓴᐅᔪᖅ ᐱᕙᓪᓕᐊᑎᑕᐅᔪᖅ ᐅᑯᓄᖓ ᐃᑲᔪᖃᑎᕇᕐᓱᑎᒃ
ᐃᓚᐅᒻᒥᔪᐃᑦ ᑎᒥᐅᔪᑦ
ᓄᓇᓕᒻᒥᒃ ᐱᓯᒪᑦᓱᑎᑦ ᐃᑲᔪᖃᑕᐅᔪᑦ
ᑮᓇᐅᔭᖃᕐᑎᓯᓂᒃᑯᑦ ᐃᑲᔪᖃᑕᐅᔪᑦ
