ᐱᓇᓱᐊᕐᓂᒥᒃ ᐃᑲᔪᕐᑎ ᐱᓇᓱᓕᓂᐅᑦᓱᓂ ᐱᓇᓱᑦᑎᒃ ᖃᐅᔨᒪᔭᕐᒥᓂᒃ ᐃᓕᓭᒍᒪᑦᓴᑐᐃᓐᓇᑐᖅ ᐊᒻᒪᓗ ᖃᐅᔨᒪᓪᓚᕆᑦᑕᒥᓂᒃ ᐃᑲᔪᕐᓯᒍᓐᓇᓱᓂ ᐊᓯᒥᓂᒃ ᐱᑎᑦᓯᒐᓱᐊᕐᓱᓂ ᓈᒻᒪᓴᕐᓇᑐᓂᒃ ᐊᒻᒪᓗ ᐱᒻᒪᕆᐅᔪᓂᒃ ᐱᓇᓱᓐᓂᒨᓕᖓᔪᓂᒃ ᐊᑑᑎᑎᑦᓯᓂᒃᑯᑦ. ᐱᓇᓱᐊᕐᓂᒥᒃ ᐃᑲᔪᕐᑏᑦ ᐃᓕᓐᓂᐊᑎᑦᓯᔨᐅᕗᑦ ᐁᑦᑐᑐᐃᒍᓐᓇᕕᖃᕆᐊᓖᑦ ᓈᒻᒪᓈᕐᑐᓂᒃ ᐊᒻᒪᓗ ᑐᑭᖃᑦᓯᐊᑐᓂᒃ ᐃᓕᓐᓂᐊᑎᑦᓯᒍᓯᕐᓂᒃ. ᐱᔪᓐᓇᖁᖔᒥᒃ ᐱᓇᓱᐊᕐᓂᒥᒃ ᐃᑲᔪᕐᑏᑦ ᑐᓂᓯᓚᖓᔪᑦ ᐱᓇᓱᑦᓱᑎᒃ ᐱᒋᐅᕐᓴᑐᓂᒃ ᐱᒋᐅᕐᓵᓄᑦ, ᑐᓂᓯᓂᖃᕐᓗᑎᑦ ᑕᓯᐅᕐᓯᓗᑎᑦ ᐱᒍᓐᓇᓯᐊᕐᓂᒥᒃ ᓴᐳᑦᔨᓂᒃᑯᑦ ᑭᖕᖒᒪᓇᕐᑐᓂᒃ ᐱᔭᐅᒍᒪᔪᓂᒃ ᐱᓇᓱᓐᓂᐅᑉ ᐱᒍᓐᓇᓂᕆᔭᖏᓐᓂᒃ.
ᐊᓯᐊᒍᑦ ᐃᒻᒥᓂᒃ ᓈᒻᒪᓴᓚᕿᓂᕐᒥᒃ ᐃᑉᐱᒋᓱᓚᕿᒐᔭᕐᓂᖓ ᐱᓇᓱᐊᕐᓂᒥᒃ ᐃᑲᔪᕐᑎ ᐃᑲᔪᕐᓯᓂᕐᒥᓂᒃ ᐱᐅᓯᒋᐊᕆᓂᕐᒥᒃᓂᒃ ᐱᒍᓐᓇᓯᐊᓂᕆᒍᓐᓇᑕᖓᓂᒃ ᐱᒋᐅᕐᓵᑉ, ᐱᓚᕿᒍᓐᓇᓚᖓᒻᒥᔪᖅ ᐱᐅᔪᒥᒃ ᐊᓪᓗᕆᐊᕐᓂᒥᒃ ᓇᒻᒥᓂᖅ ᐱᓇᓱᒐᒋᔭᕐᒥᒧᓂᒃ. ᑕᒪᑦᓱᒥᖓ ᖃᓄᐃᓘᕐᑎᐅᓂᕐᒥᓂᒃ, ᐃᓕᓭᔩᑦ ᐅᑯᓂᖓ ᐊᑑᑎᒍᓐᓇᑐᑦ:
ᖃᓄᐃᓘᕐᑎᐅᓂᖃᕐᕐᑯᖅ ᐱᓇᓱᐊᕐᓂᒥᒃ ᐃᑲᔪᕐᑎ ᐃᓕᓐᓂᐊᑎᑦᓯᓂᕐᒥᒃ ᖃᐅᔨᒪᔭᕐᒥᓂᒃ ᐱᓇᓱᒐᕐᒥᑕ ᐃᓂᖓᓂᒃ ᐊᒻᒪᓗ ᐃᑲᔪᕐᓯᓲᖑᑦᓱᓂ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐ ᓵᒥᒃ ᐱᒐᓱᐊᕐᑎᓗᒍ ᐃᓕᓐᓂᐊᑕᖏᑦᑕ ᑐᕌᒐᕆᔭᖏᓐᓂᒃ. ᐱᓇᓱᐊᕐᓂᒥᒃ ᐃᑲᔪᕐᑏᑦ ᖃᐅᔨᒣᓐᓇᖃᑦᑕᕋᔭᕐᒥᔪᖅ ᐱᒋᐅᕐᓵᑉ ᐱᕙᓪᓕᐊᓂᕆᔭᖓᓂᒃ ᐱᓇᓱᐊᕈᓯᑕᒫᑦ ᑲᑎᓯᖃᑦᑕᓂᒃᑯᑦ, ᐅᖃᓕᒪᖃᑎᒌᖃᑦᑕᓂᒃᑯᑦ ᐊᒻᒪᓗ ᑲᑎᒪᖃᑦᑕᓂᒃᑯᑦ ᐅᖄᓚᐅᑎᒃᑯᑦ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓵᓂᒃ ᑐᑭᒧᐊᕐᑎᓯᔨᖓᓂᒃ.
ᐱᔪᓐᓇᖁᖔ ᐱᓇᓱᐊᕐᓂᒥᒃ ᐃᑲᔪᕐᑎᓕᒫᖏᑦ ᐱᒋᐅᕐᓴᑕᐅᓂᖃᕋᔭᕐᑐᑦ ᑫᕙᓪᓚᒍᓯᓂᒃ ᓯᑕᒪᐅᔪᖕᖏᒐᕐᑐᓂᒃ ᐱᔪᓐᓇᖁᖓ ᐱᓇᓱᐊᖃᑎᒌᖏᓐᓄᑦ. ᐱᓇᓱᐊᕐᓂᒥᒃ ᐃᑲᔪᕐᑏᑦ ᐱᕚᓪᓕᕈᓐᓇᕕᓖᑦ ᑲᔪᓯᔪᒥᒃ ᐃᑲᔪᕐᓯᔭᐅᓂᒃᑯᑦ ᐱᒋᐅᕐᓵᓕᕆᔨᐅᑉ ᑐᑭᒧᐊᕐᑎᓯᔨᖓᓄᑦ ᐱᔪᓐᓇᖁᖔᒃᑯᑦ.
ᐊᑌᓐᓇᑐᒥᒃ ᐱᓇᓱᑦᑎᐅᓂᕐᓄᑦ ᐃᓚᐅᔪᓄᑦ ᑎᒥᐅᔪᓄᑦ, ᐅᖄᕕᖃᕈᓐᓇᑐᑎᑦ ᐱᒍᑦᔨᕕᑉᐱᑦ ᑲᒪᔨᒻᒪᕆᖓᓄᑦ ᐅᕝᕙᓘᓐᓃᑦ ᐱᓇᓱᑦᑎᓕᕆᔩᑦ ᖃᓄᐃᓘᒋᐊᖁᔨᔨᖓᓄᑦ ᐃᓚᐅᒍᒪᒐᔭᑦᓴᓂᕈᕕᑦ ᐃᓕᓭᔨᐅᓂᕐᒧᑦ ᐱᔪᓐᓇᖁᖔᒧᑦ.
ᐱᓇᓱᐊᕐᓂᒥᒃ ᐃᑲᔪᕐᑎᐅᓂᖅ ᐊᑑᑎᒐᑦᓴᓯᐊᒻᒪᕆᐅᕗᖅ, ᐃᓚᐅᓚᐅᕆᑦ!