ᐱᓇᓱᒐᕆᒍᒪᒐᔭᕐᑕᒥᓂᑦ
ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᑐᑦᒐᓱᐊᕐᓂᖅ
ᐱᔭᕇᑦᓯᐊᑐᕕᓂᐅᑐᐊᕈᕕᑦ ᐊᐱᕆᔭᐅᑲᑦᑕᓂᕐᒥᒃ ᐊᒻᒪᓗ ᐱᒋᐅᕐᓴᔭᐅᓂᕐᒥᒃ, ᐱᒋᐅᕐᓴᓂᕆᓚᖓᔦᑦ ᐱᒋᐊᓕᕐᓕ!
ᑐᑭᓯᓴᕐᑕᐅᓂᒃ ᐊᒻᒪᓗ ᐃᓕᓐᓂᐊᓂᕐᒥᒃ ᐸᕐᓇᓯᒪᐅᑎᒃ
ᑐᑭᓯᓴᕐᑕᐅᓂᒃ ᑎᒥᐅᔪᒥᒃ ᐃᓕᓐᓂᒃ ᑐᖕᖓᓱᑦᑎᓯᒐᔭᕐᑐᑦ ᐊᒻᒪᓗ ᑲᑦᓱᙰᑦᑑᑎᑦᓯᓯᐊᕐᓗᓂ ᐱᓇᓱᕝᕕᒋᓚᖓᔭᕐᓂᒃ. ᐃᒻᒥᓂᒃ ᓯᑎᔪᑦᓯᐊᓂᒃ ᐊᒻᒪᓗ ᓇᒻᒥᓂᖅ ᑐᕌᒐᓕᐅᕈᓐᓇᓯᒐᔭᕐᑐᑎᑦ ᐱᒍᒪᔭᑎᓐᓂᒃ ᐱᒋᐅᕐᓵᖑᓂᕐᓂᒃ ᐃᓕᓐᓂᐊᓂᕐᐱᑦ ᐸᕐᓇᓯᒪᐅᑎᖓᓂᒃ.
ᐱᒋᐊᖕᖓᓂᖏᑦ ᐱᓇᓱᒐᑦᓭᑦ
ᐃᓱᒫᓗᓐᓇᑐᕐᑕᖃᖕᖏᑐᖅ – ᑎᓕᔭᐅᒪᔪᖅ ᐱᓇᓱᐊᕐᓂᒥᒃ ᐃᑲᔪᕐᑎᒃ ᐃᓕᓐᓂᒃ ᐱᓇᓱᖃᑎᙯᓐᓇᓯᐊᖃᑦᑕᓚᖓᔪᖅ ᐱᒋᐊᕐᕐ-ᑲᒥᐅᑎᓪᓗᑎᑦ ᐊᒻᒪᓗ ᐃᒻᒥᓂᕿᑎᑦᓯᕙᓪᓕᐊᓯᓗᓂ ᐱᕙᓪᓕᐊᑎᓪᓗᑎᑦ.
ᐱᓇᓱᐊᕈᓯᑕᒫᑦ ᑲᑎᓐᓃᑦ
ᑕᒡᒐᓂ ᐅᖄᖃᑎᑦᓴᐅᓕᕋᔭᕐᑐᖅ ᐃᓕᓭᔨᕐᓄᑦ ᐃᓱᒫᓘᑎᑎᓐᓂᒃ ᐊᒻᒪᓗ ᓇᒻᒥᓂᖅ ᐃᓕᓐᓄᑦ ᑐᕌᒐᓕᐅᕐᕕᓴᐅᑦᓱᓂ.
ᐃᓱᓕᓐᓂᖓ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᑑᑉ ᐊᒻᒪᓗ ᓇᐅᑦᓯᑐᕐᑕᐅᓂᕐᓂᒃ
ᓀᓈᕐᓯᒪᑎᓪᓗᒋᑦ ᐱᒍᓐᓇᓂᑎᑦ ᐊᒻᒪᓗ ᐱᓇᓱᐊᕐᓂᕕᓂᑎᑦ ᐱᕙᓪᓕᐊᔭᕕᓂᑎᑦ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᒋᐅᕐᓵᖑᓂᓕᒫᕐᓂᒃ ᐊᑑᑎᔭᐅᒐᔭᕐᑐᖅ, ᐃᓚᐅᑎᓪᓗᒋᑦ ᐅᓐᓂᑑᑏᑦ ᐱᒍᓐᓇᓯᐊᕐᓂᒧᑦ ᐱᒋᐊᓪᓛᒍᑎᒋᒍᓐᓇᑕᑎᑦ ᐱᐅᓯᒋᐊᓪᓛᓂᕐᒧᑦ. ᑕᒡᒐ ᐱᕕᑦᓴᖃᓯᒐᔭᕐᑐᑎᑦ ᐱᓇᓱᐊᕈᑎᕕᓂᑎᓐᓂᒃ ᑕᑯᓐᓇᕈᓐᓇᓯᓗᑎᑦ ᐊᒻᒪᓗ ᐊᑐᐃᓐᓇᕈᕐᑎᕈᓐᓇᓯᓗᑎᑦ ᐱᒋᐅᕐᓴᓂᕆᒋᐊᓪᓚᓂᕆᒐᔭᕐᑕᓄᑦ ᐅᕝᕙᓘᓐᓃᑦ ᓯᕗᓂᕐᒥᒃ ᐱᓇᓱᒐᕆᒐᔭᕐᑐᓄᑦ.
ᐱᓇᓱᒐᑦᓴᑖᕐᑎᓯᒍᑎᐅᓕᐅᒥᔮᕈᑏᑦ
ᐱᑦᓯᐊᖏᓐᓇᓕᒫᕐᓗᑎᑦ ᐊᒻᒪᓗ ᐊᑐᓕᕐᑎᓯᓗᑎᑦ ᐃᓕᓐᓂᐊᑎᑕᐅᒍᑎᕕᓂᑎᓐᓂᒃ ᓇᐅᑦᓯᑐᕐᑕᐅᒍᑎᕕᓂᕐᐱᑦ ᕿᑎᖓᓂᒃ ᖃᐅᑕᒫᕐᓯᐅᑎᓐᓂᒃ ᓱᖃᑦᓯᒍᑎᓂᒃ.
ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᑑᑉ-ᕿᑎᖓᓂ ᐅᓐᓂᑑᑏᑦ
ᑕᒪᓐᓇ ᓇᐅᑦᓯᑐᐃᓂᖅ ᐊᑑᑎᔭᐅᒐᔭᕐᑐᖅ ᐱᓇᓱᒐᕆᒍᒪᒐᔭᕐᑕᒥᓂᑦ ᐱᔭᕆᐅᕐᓴᑑᑉ ᑐᑭᒧᐊᕐᑎᓯᔨᖓᓄᑦ, ᐃᓕᓭᔩᑦ ᐊᒻᒪᓗ ᐃᕝᕕᑦ, ᐃᓘᓐᓇᓯᓐᓂᒃ ᑲᔪᓯᑦᓯᐊᑎᑦᓯᓂᐊᕐᒪᑦ ᐱᒋᐅᕐᓴᕉᑕᕆᓂᕐᓂᒃ ᐊᒻᒪᓗ ᐋᕐᕐᑭᒋᐊᕆᐊᖃᑐᐊᕈᕕᑦ ᐋᕐᕐᑭᒋᐊᕆᒍᓐᓇᓯᓗᑎᑦ.