ᓄᑖᑦ ᑐᓴᕋᑦᓭᑦ

ᐱᔪᓐᓇᖁᖓ ᐱᒋᐊᕐᑎᑕᐅᓂᖓ : ᓄᓇᕕᒻᒥ ᐱᓇᓱᒋᐅᕐᓴᑎᑕᐅᓂᐅᑉ ᐱᓇᓱᐊᕐᑕᐅᓂᖓ

16/08/2017 ᐅᑎᒃ |

                                                                                    

 

ᐱᔪᓐᓇᖁᖓ ᐱᒋᐊᕐᑎᑕᐅᓂᖓ :

ᓄᓇᕕᒻᒥ ᐱᓇᓱᒋᐅᕐᓴᑎᑕᐅᓂᐅᑉ ᐱᓇᓱᐊᕐᑕᐅᓂᖓ

 

ᑰᑦᔪᐊᖅ, ᐊᐅᒡᒍᓯ 16, 2017 – ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᒻᒪᓗ ᐲᐃᐊᔅ ᔪᓂᐊᔅᑯᑦ ᓇᑯᕆᔭᖃᖅᑯᑦ ᐱᒋᐊᕐᑎᓯᒋᐊ ᐱᔪᓐᓇᖁᖔᒥᒃ, ᐱᓇᓱᒋᐅᕐᓴᑎᑦᓯᓂᕐᒥᒃ ᐱᓇᓱᐊᕐᑕᐅᔪᖅ ᑐᕌᒐᕆᔭᖃᕐᓱᓂ ᓄᒃᑮᒋᐊᕆᓂᕐᒥᒃ ᐅᕕᒃᑲᓂ ᐃᓄᓐᓂᒃ ᓄᓇᕕᒻᒥᐅᓂᒃ ᐱᕙᓪᓕᐊᑎᑦᓯᓂᒃᑯᑦ ᐱᒍᓐᓇᓂᖏᓐᓂᒃ ᐊᑑᑎᓂᒃᑯᑦ ᐱᓇᓱᐊᕐᑎᑯᑦ.

ᐱᔪᓐᓇᖁᖓ ᐱᒋᐊᕐᑎᑕᐅᔪᕕᓂᖅ ᐊᒻᒪᓗ ᐱᕙᓪᓕᐊᑎᑕᐅᔪᕕᓂᖅ ᑲᔪᓯᑎᑕᐅᒍᓐᓇᓂᐊᕐᑐᓂ ᐱᓇᓱᒐᓕᕆᔩᑦ ᐱᒍᑦᔨᕕᖓᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᐱᓇᓱᐊᖃᑎᖃᕐᓱᑎᑦ ᐲᐃᐊᔅ ᔪᓂᐊᔅᑯᓐᓂᒃ. ᐱᓇᓱᐊᕐᑎᓯᒍᑎᒃ ᐃᓚᒋᔭᖃᖅᑯᖅ ᐊᐱᕐᓱᑕᐅᑲᑦᑕᓂᕐᒥᒃ ᐊᒻᒪᓗ ᐱᒐᓱᐊᒻᒪᕆᓐᓇᑐᒥᒃ ᐱᒋᐅᕐᓴᔭᐅᓂᕐᒥᒃ, ᐃᓚᐅᑎᓪᓗᒋᒃ ᒪᕐᕉᒃ ᐊᑭᓕᕐᑐᑕᐅᓗᑎᑦ ᐱᓇᓱᒋᐅᕐᓴᑎᑕᐅᑫᓐᓇᓃᒃ ᓄᓇᕕᐅᑉ ᑎᒥᐅᔪᖁᑎᖏᓐᓂ ᐃᓕᓭᔨᖃᑦᓯᐊᑐᒥᒃ ᓴᐳᑦᔨᓯᒣᓐᓇᑐᓂᒃ. ᐱᔪᓐᓇᖁᖓ ᑐᓂᓯᓂᖃᖕᖑᓱᑦᑐᖅ ᐱᓇᓱᒋᐅᕐᓴᑎᑦᓯᓂᕐᒥᒃ ᐱᕕᑦᓴᖃᑦᑎᓯᒍᑕᐅᓗᓂ ᐱᒻᒪᕆᐅᔪᓂᒃ ᐃᓂᒋᔭᐅᔪᓂᒃ ᑎᒥᐅᔪᓂᒃ ᓄᓇᕕᒻᒥ ᑲᑦᓱᙰᓵᕆᒍᑎᒋᓗᒍ ᑭᖑᕚᑦᓴᑎᓐᓂ ᐱᕙᓪᓕᐊᓂᖏᓐᓂᒃ ᑕᑎᒋᔭᐅᑦᓯᐊᑐᓂᒃ ᐱᒍᓐᓇᓯᐊᕐᑐᓂᓪᓗ ᓄᓇᕕᒻᒥᐅᓂᒃ.

“ᑕᑯᓐᓇᓂᖃᖅᑯᖅ ᐱᓇᓱᐊᕐᑎᓯᒍᑎᒃ ᐊᒥᓱᖕᖑᐃᒋᐊᕆᒍᑕᐅᔪᖅ ᐱᓇᓱᒍᓐᓇᓂᖏᓐᓂᒃ ᐅᕕᒃᑫᑦ ᓄᓇᕕᒻᒥᐅᑦ ᐱᓇᓱᒐᕐᓂᒃ ᐱᒻᒪᕆᐅᓂᖏᓐᓂᒃ ᑎᒍᓯᒍᓐᓇᓯᖁᓗᒋᑦ ᓄᓇᕕᐅᑉ ᑎᒥᐅᔪᖁᑎᖏᑎᒍᑦ ᑲᑦᓱᙰᓵᕆᒍᑎᑦᓯᐊᖑᑦᓱᓂ ᐱᓇᓱᑦᑎᑕᐅᑫᓐᓇᓂᐅᑉ ᐱᓇᓱᐊᕐᑕᐅᓂᖓ, ᐅᖃᓚᐅᕐᑐᖅ ᑲᒪᔨᒻᒪᕆᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᓕᕆᔩᑦ ᐱᒍᑦᔨᖓᓂ ᓕᑎᐊ ᒍᐊᑦ.

“ᐱᔪᓐᓇᖁᖓ ᐱᓇᓱᐊᖃᑎᒌᖏᑦ ᐱᓇᓱᐊᒻᒪᕆᓐᓂᖃᓚᐅᕐᑐᑦ ᑕᖅᑮᑦ ᓈᓕᕐᑎᓗᒋᑦ ᐱᕈᕐᐸᓕᐊᑎᑦᓯᓱᑎᑦ ᐱᓇᓱᑦᑎᓯᑫᓐᓇᓂᕐᒥᒃ ᐱᓇᓱᐊᕈᑕᐅᓂᖓ ᓄᓇᕕᒻᒥᐅᓄᑦ. ᐊᓕᐊᓱᓐᓂᕗᑦ ᖄᖏᐅᑎᔪᖅ ᐱᒋᐊᕐᑎᓯᑦᓴᕋᑕᓯᒐᑦᑕ ᑖᑦᓱᒥᖓ ᐱᓇᓱᐊᕈᑕᐅᔪᒥᒃ ᐊᒻᒪᓗ ᐊᑐᐃᓐᓇᐅᓕᕐᓱᑕ ᐱᑲᑦᑕᕈᓐᓇᓯᑦᓱᑕ ᐃᓕᕋᓱᐊᕈᑎᓂᒃ ᐃᓕᒐᓱᐊᕈᒪᔪᓄᑦ. ᑲᑎᓯᓵᕈᒪᔪᒍᑦ ᓯᕗᓂᕐᒥᒃ ᐱᔪᓐᓇᖁᖓ ᐱᓇᓱᑦᑎᑕᐅᑫᓐᓇᓛᕐᑐᓂᒃ ᐊᒻᒪᓗ ᐊᒥᓱᐃᖏᑦ ᓇᕝᕚᕈᓐᓇᓯᑦᓴᓚᐅᕐᐹᑕᕗᑦ ᐱᓇᓱᒐᕆᒍᒪᒐᔭᕐᑕᒥᓂᒃ ᑖᓐᓇ ᐊᖅᑯᑎᒋᔭᐅᑎᓪᓗᒍ ᐱᕕᑦᓴᖃᕐᑎᓯᒍᑎᒃThe “, ᐅᖃᓚᐅᕐᑐᖅ ᐃᓴᐱᐊᓪ ᐱᑲᐅᑦ, ᐱᔪᓐᓇᖁᖓ ᐱᓇᓱᐊᕐᑕᐅᔫᑉ ᐊᐅᓚᑦᓯᔨᖓ.

ᐱᔪᓐᓇᖁᖓ ᐅᒃᑯᐃᖔᓕᕐᒥᔪᖅ ᐃᓕᒐᓱᐊᕈᒪᔪᓄᑦ ᐊᒻᒪᓗ ᕿᓂᕐᓱᑎᑦ ᑫᑦᓱᙰᑦᑐᓯᐊᓂᒃ ᓄᓇᕕᒻᒥᐅᓂᒃ ᐅᑭᐅᓕᓐᓂᒃ 18-ᒥ 35-ᒧᑦ ᐱᔭᕇᕐᓯᒪᔫᑦᓱᑎᑦ ᐳᕐᑐᓂᕐᓴᒥ ᐃᓕᓐᓂᐊᓂᕐᒥᒃ. ᑐᓴᕆᐊᓪᓛᒍᒪᒍᕕᑦ ᑖᑦᓱᒥᖓ ᐱᓇᓱᐊᕈᑕᐅᔪᒥᒃ ᐅᕝᕙᓘᓐᓃᑦ ᐃᓕᒐᓱᐊᕈᒪᒍᕕᑦ, ᐅᕗᖕᖓᓗᑎᑦ ᖃᕆᑕᐅᔭᒃᑯᑦ www.pijunnaqunga.org.  ᖃᐅᔨᒋᐊᕐᕕᒋᒍᓐᓇᒥᔭᑎᑦ ᐱᔪᓐᓇᖁᖓ ᐱᓇᓱᐊᖃᑎᒌᖏᑦ ᐅᖄᓚᐅᑎᒃᑯᑦ 1-855-349-3797 ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐅᕙᓂ info@pijunnaqunga.org.

– 30 –

ᖃᐅᔨᒋᐊᕐᕕᓭᑦ

ᐱᔪᓐᓇᖁᖓ

ᐅᖄᓚᐅᑎᖓ: (514) 379-3797

ᐊᑭᖃᖕᖏᑐᖅ ᐅᖄᓚᐅᑎᖓ: 1 (855) 349-3797

ᖃᕆᑕᐅᔭᒃᑯᑦ: info@pijunnaqunga.org

ᖁᒻᒧᐊᑎᑕᐅᓯᒪᔪᒃᑯᑦ: www.pijunnaqunga.org

 

 

ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᐃᓕᖅᑯᓯᖃᑎᒌᖕᖏᑐᑦ ᐃᓄᓕᒫᓄᑦ ᑎᒥᖁᑎᒋᔭᐅᕗᖅ ᓄᐃᑕᕕᓂᖅ 1978, ᔦᒥᓯ ᐯ ᑯᐯᒃ ᑕᕐᕋᖓ ᐊᖏᖃᑎᒌᒍᑎᖓᑎᒍᑦ. ᑖᓐᓇ ᑎᒥᐅᔪᖅ ᐊᖓᔪᖅᑲᐅᕕᖃᕐᑐᖅ ᐃᓘᓐᓇᑲᓴᑦᓯᐊᖓᓂᒃ ᑯᐯᒃ ᐅᑭᐅᕐᑕᑐᖁᑎᓕᒫᖓᓂᒃ 55 ᖁᓛᖓᓂ ᑲᒪᒋᔭᖃᓲᖑᑦᓱᓂ ᑲᕙᒫᐱᓕᕆᓂᕐᒥᒃ, ᐃᖏᕐᕋᐅᑎᓕᕆᓂᕐᒥᒃ, ᐊᕙᑎᓕᕆᓂᕐᒥᒃ, ᐳᓖᓯᓕᕆᓂᕐᒥᒃ, ᐱᓇᓱᒐᓕᕆᓂᕐᒥᒃ, ᐱᓇᓱᒐᕐᒧᑦ ᐱᒋᐅᕐᓭᓂᖅ, ᑮᓇᐅᑦᔭᓵᑦ ᐊᑦᑕᓀᑦᑐᒦᓐᓂᖏᑦ, ᐯᕆᑦᓯᕕᓕᕆᓂᖅ, ᓄᑕᐅᓯᓕᕐᑎᑕᐅᒍᓐᓇᑐᓕᕆᓂᖅ, ᓄᓇᐅᑉ ᐊᑐᕐᑕᐅᓂᖓᑕ ᐸᕐᓇᓯᒪᐅᑎᖓ, ᓇᐅᓕᒫᓂᒃ ᐊᑦᑕᓇᕐᑐᒦᑦᑎᓯᑦᑌᓕᓂᖅ ᐊᒻᒪᓗ ᒪᑭᑕᒐᓱᐊᕐᓂᒧᑦ ᐱᕙᓪᓕᐊᓂᓕᕆᓂᖅ.

ᓵᓚ-ᑎ-ᕚᓕᕕᐅᓪᑦ ᒦᑦᓱᓂ, ᐱᐊᔅ ᔪᓂᐊᔅᑯᑦ ᐱᓇᓱᖃᑦᑕᓯᒪᓕᕐᑐᑦ ᐱᓇᓱᒐᑦᓴᓕᕆᓂᕐᒥᒃ 30 ᐊᕐᕌᒍᐃᑦ ᐅᖓᑖᓄᑦ. ᐊᕐᕌᒍᐃᑦ ᓈᓕᕐᑎᓗᒋᑦ, ᑎᒥᐅᔪᖅ ᐱᕙᓪᓕᐊᓯᒪᓕᕐᑐᖅ ᐱᓪᓗᑯᒋᐊᓕᕐᓂᒃ ᖃᐅᔨᒪᓪᓚᕆᓐᓂᑯᑦ ᐃᑲᔪᕐᓯᓂᕐᒥᒃ ᐱᓇᓱᒐᖃᖕᖏᑐᓂᒃ ᐃᑎᕆᐊᓪᓛᑎᑦᓱᒋᑦ ᐱᓇᓱᒐᖃᕐᓂᒧᑦ. ᑎᒥᐅᔪᖅ ᑕᓪᓕᒪᓂᒃ ᐱᒍᑦᔨᕕᓕᒃ (ᕚᓕᕕᐅᓪᑦ, ᓭᓐᑦ-ᕇᒥ, ᓵᑐᑯᐃ, ᖃᓐᑎᖕᑕ ᐊᒻᒪᓗ ᕙᐅᑐᕆᐊᓪ) ᐊᒻᒪᓗ ᑐᓂᓯᓲᖑᑦᓱᑎᑦ ᓱᖃᑦᓯᐅᑎᓂᒃ ᑕᒣᓐᓄᑦ ᐅᐃᒍᐃᑎᑐᑦ ᖃᓪᓗᓈᑎᑐᓪᓗ ᐱᓇᓱᐊᕐᑎᓯᒍᑎᒧᑦ ᐃᓚᐅᔪᓄᑦ. ᐱᐊᔅ ᔪᓂᐊᔅ ᑲᒪᒋᔭᖃᓲᖑᒻᒥᔪᖅ ᐱᓇᓱᒐᑦᓴᖃᕐᑎᓯᓂᕐᒥᒃ ᐊᒻᒪᓗ ᐱᒍᑦᔨᓂᕐᒥᒃ ᐃᕕᕐᑎᕕᒻᒥ, ᑖᓐᓇ ᐱᓇᓱᐊᕐᑕᐅᓂᖓ ᓴᐳᒻᒥᔭᐅᓯᒪᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᔪᓯᑎᑕᐅᒍᓐᓇᓂᐊᕐᑐᓂᒃ ᐱᓇᓱᒐᖃᕐᑎᓯᓂᕐᒧᑦ ᐱᒍᑦᔨᕕᖓᓄ.

ᖃᐅᔨᒪᒐᓱᐃᓐᓇᕆᑦ!

ᐃᓚᐅᑎᒋᑦ ᐊᐅᓪᓚᑎᑦᓯᕕᒋᓲᑦᑎᓄᑦ

ᐊᐱᕆᐅᑎᑦᓴᖃᕐᕐᑮᑦ?

ᖃᐅᔨᒋᐊᕐᓗᑎᑦ ᐅᕙᑦᑎᓄᑦ



Covid-19

Our organisation is strictly adhering to the recommendations of the Quebec Government to slow the spread of the COVID-19 virus. Our « in person » services are temporarily suspended. The pandemic situation is evolving rapidly and we will continue to…